మైక్రో ఫైనాన్స్ కేసులో పోలీసులు కీలక మలుపు తిరిగారు. ప్రముఖ గాయని మంగ్లీ సోదరుడు శివచౌహాన్‌ అకౌంట్లను పోలీసులు పరిశీలిస్తున్నారు. రమావత్‌ మధు అనే వ్యక్తి అకౌంట్‌ నుంచి శివచౌహాన్‌ అకౌంట్‌కు డబ్బులు బదిలీ అయినట్లు గుర్తించారు. ఈ వ్యవహారంపై పోలీసులు లోతుగా విచారణ జరుపుతున్నారు. డబ్బుల మళ్లింపునకు గల కారణాలను, సంబంధిత వ్యక్తుల వివరాలను సేకరిస్తున్నారు. ఈ కేసులో మరిన్ని కీలక ఆధారాలు లభించే అవకాశం ఉందని పోలీసులు భావిస్తున్నారు.