అచ్చంపేట: సాగు నీటి ప్రాజెక్టుల సమీక్షలో జిల్లా ఎమ్మెల్యేలు

రాష్ట్ర సచివాలయంలో భారీ నీటిపారుదల శాఖ మంత్రి ఉత్తంకుమార్ రెడ్డి ఆధ్వర్యంలో సోమవారం జరిగిన సాగునీటి ప్రాజెక్టులు, భూగర్భ జలాల ఉన్నత స్థాయి సమీక్ష సమావేశంలో అచ్చంపేట ఎమ్మెల్యే డా. చిక్కుడు వంశీకృష్ణ పాల్గొన్నారు. ఈ సందర్భంగా, అచ్చంపేట నియోజకవర్గానికి సాగునీటి ప్రాజెక్టుల ప్రాధాన్యత, సాగునీటి అవసరాలు, తాగునీటి సరఫరా, భవిష్యత్ కార్యాచరణపై మంత్రి దృష్టికి తీసుకెళ్లారు. ఈ సమీక్షలో నాగర్ కర్నూల్ ఎమ్మెల్యే కూచికుళ్ళ రాజేశ్ రెడ్డి, ఉన్నతాధికారులు కూడా పాల్గొన్నారు.