నాగర్ కర్నూల్: అనుమానాస్పద స్థితిలో యువకుడు మృతి

వెల్దండ పోలీస్ స్టేషన్ పరిధిలోని రాచూరు గ్రామానికి చెందిన కొంగళ్ళ శివకుమార్ (25) అనే యువకుడు శనివారం మధ్యాహ్నం కల్వకుర్తికి వ్యవసాయ పనిముట్ల కోసం వెళ్లి రాత్రి వరకు ఇంటికి తిరిగి రాలేదు. ఆదివారం ఉదయం గ్రామ సమీపంలోని వ్యవసాయ పొలంలో అతని మృతదేహం అనుమానాస్పద స్థితిలో లభ్యమైంది. కుటుంబ సభ్యులు, స్థానికులు మృతిపై అనుమానం వ్యక్తం చేస్తున్నారు. ఎస్సె కురుమూర్తి ఘటన స్థలానికి చేరుకుని కేసు నమోదు చేసుకుని దర్యాప్తు చేస్తున్నారు. మృతికి గల పూర్తి కారణాలు ఇంకా తెలియాల్సి ఉంది.