నర్వ మండలంలో భూ సర్వే ప్రారంభం

నారాయణపేట్ జిల్లా నర్వ మండలం తహసీల్దార్ మల్లారెడ్డి అధ్యక్షతన శుక్రవారం రోజున జంగంరెడ్డిపల్లి గ్రామంలో భూ సర్వే కార్యక్రమం అధికారికంగా ప్రారంభమైంది. గ్రామాల్లోని రైతులకు ఎటువంటి భూ సమస్యలు, వివాదాలు తలెత్తకుండా ఉండాలనే ఉద్దేశంతో ప్రభుత్వం ఈ ప్రతిష్టాత్మక భూ సర్వే కార్యక్రమానికి శ్రీకారం చుట్టిందని తహసీల్దార్ అన్నారు, ఈ సర్వే ద్వారా భూముల హద్దులు స్పష్టమై, భవిష్యత్తులో భూ వివాదాలకు శాశ్వత పరిష్కారం లభిస్తుందని స్థానిక రైతులు ఆనందం వ్యక్తం చేస్తున్నారు. ​ఈ కార్యక్రమంలో రెవెన్యూ సిబ్బంది, సర్వే అధికారులు, గ్రామ పెద్దలు, స్థానిక రైతులు పాల్గొన్నారు.