మావోయిస్టు పార్టీ నుంచి మల్లోజుల, ఆశన్న బహిష్కరణ

మావోయిస్టు పార్టీ అగ్రనేతలు మల్లోజుల వేణుగోపాల్, ఆశన్న పోలీసుల ఎదుట లొంగిపోయిన నేపథ్యంలో, పార్టీ కేంద్ర కమిటీ స్పందించింది. పార్టీ కేంద్ర కమిటీ అధికార ప్రతినిధి అభయ్ పేరుతో విడుదలైన లేఖలో, ఈ లొంగుబాట్లు విప్లవ ఉద్యమాన్ని ఆపలేవని, అంతిమంగా విప్లవానిదే విజయమని పేర్కొన్నారు. 50 ఆయుధాలను శత్రువులకు అప్పగించడం విప్లవాన్ని హత్య చేయడమేనని, శత్రువుకు లొంగిపోయిన వారు విప్లవ ప్రతిఘాతకులు, విచ్ఛిత్తి ద్రోహులని విమర్శించారు.