తాండూరులో శునకాల బీభత్సం

తాండూర్ మండల కేంద్రంలో శనకాపులు బీభత్సం సృష్టించాయి. బస్టాండ్ ప్రాంతంతో పాటు పలు చోట్ల దాడి చేసి లక్ష్మణ్, సదయ్య, ఆర్. రాజేశ్వరి, పీ. రాజేష్, బి. సునీల్, బి. శ్వేత, శోభ, ఈ. స్వర్ణలత అనే 8 మందిని గాయపరిచాయి. క్షతగాత్రులను తాండూర్ ప్రభుత్వ ఆసుపత్రికి తరలించి చికిత్స అందించారు. గాయాల తీవ్రత ఎక్కువగా ఉన్న సదయ్య, రాజేష్, లక్ష్మణ్ లను బెల్లంపల్లి ప్రభుత్వ ఆసుపత్రికి రిఫర్ చేసినట్లు వైద్యురాలు లక్ష్మీప్రసన్న తెలిపారు. ఒకే రోజు 8 మందిపై దాడి జరగడంతో స్థానికులు భయాందోళనకు గురవుతున్నారు.