మందమర్రిలో రాంగ్ రూట్ వాహనాలపై పోలీసుల కొరడా

మందమర్రి పోలీసులు రోడ్డు భద్రతకు ఆటంకం కలిగించే రాంగ్ రూట్ వాహనదారులపై కఠిన చర్యలు చేపట్టారు. నాలుగు రోజులుగా బురదగూడెం, అందుగులపేట జాతీయ రహదారిపై ప్రత్యేక డ్రైవ్ నిర్వహించి, నిబంధనలు ఉల్లంఘించిన 25 ద్విచక్ర వాహనాలను స్వాధీనం చేసుకున్నారు. ఈ వాహనాలను మంచిర్యాల ఆర్.టి.ఒ కార్యాలయానికి పంపించారు. ప్రజలు ట్రాఫిక్ నిబంధనలు పాటించి, తమతో పాటు ఇతరుల ప్రాణాలను కాపాడాలని సర్కిల్ ఇన్స్పెక్టర్ శశిధర్ రెడ్డి హెచ్చరించారు. రాంగ్ రూట్ ప్రయాణాన్ని ఉపేక్షించబోమని, కఠిన చర్యలు తీసుకుంటామని తెలిపారు.