కోతుల బెడదకు ఎలుగుబంటి వేషం: వినూత్న ప్రయోగంతో గ్రామస్థులకు ఊరట

జన్నారం మండలంలోని గాంధీనగర్‌లో కోతుల బెడదతో విసిగిపోయిన గ్రామస్థులకు ఉపశమనం కలిగించేందుకు 11వ వార్డు మెంబర్ ముడుగు ప్రవీణ్ ఒక వినూత్న పద్ధతిని అవలంబించారు. కోతుల ఆగడాలను అరికట్టేందుకు, ఆయన ఒక వ్యక్తితో ఎలుగుబంటి వేషం వేయించి గ్రామంలో తిప్పారు. ఈ వింత దృశ్యం చూసి, నిజమైన ఎలుగుబంటి అని భ్రమపడిన కోతులు భయంతో గ్రామాన్ని వదిలి పారిపోయాయి. ఈ చర్యతో గ్రామస్థులు ఊపిరి పీల్చుకున్నారు.