మంచిర్యాల: మున్సిపల్ కోఆప్షన్ కోసం దరఖాస్తులు స్వీకరణ

మంచిర్యాల మున్సిపల్ కార్పొరేషన్ కో ఆప్షన్ పదవులకు దరఖాస్తులు స్వీకరించనున్నట్లు కమిషనర్ అన్వేష్ తెలిపారు. ఈ నెల 30వ తేదీ నుంచి ఏప్రిల్ 5వ తేదీ సాయంత్రం 5 గంటల వరకు అర్హులైన వారు దరఖాస్తులు ఇవ్వాలని కోరారు. మున్సిపల్ పరిపాలనలో అనుభవం ఉన్నవారు ముగ్గురు సభ్యులు (ఒక మహిళ), అల్ప సంఖ్యాక వర్గానికి చెందిన ఇద్దరు (ఒక మహిళ) అర్హులని పేర్కొన్నారు. పూర్తి వివరాలకు కార్యాలయాన్ని సంప్రదించాలని సూచించారు.