మంచిర్యాల: గూడెం గోదావరిలో దూకి ఆత్మహత్య

హాజీపూర్ మండలం కర్ణమామిడికి చెందిన గొల్ల రవీందర్ (35) గురువారం గూడెం గోదావరిలో దూకి ఆత్మహత్య చేసుకున్నాడు. మద్యానికి బానిసవడం, మానసిక స్థితి సరిగా లేకపోవడంతో చికిత్స పొందుతున్న రవీందర్, భార్య కూరగాయలు అమ్మడానికి వెళ్ళిన సమయంలో ఈ ఘటనకు పాల్పడ్డాడు. గ్రామస్తులు ఇచ్చిన సమాచారంతో, అనుమానంతో నది వద్దకు చేరుకున్న భార్య, రవీందర్ మృతదేహాన్ని గుర్తించింది. ఎస్సై తహిసినొద్దీన్ వివరాలు వెల్లడించారు.