శ్రీరాంపూర్: ఓసీపీలో నిలిచిన ఉత్పత్తి

శ్రీరాంపూర్ ఓపెన్ కాస్ట్ ప్రాజెక్ట్ (ఓసీపీ)లో భారీ వర్షం కారణంగా బొగ్గు ఉత్పత్తికి తీవ్ర అంతరాయం ఏర్పడింది. క్వారీలో షవల్స్, డంపర్లతో సహా అన్ని కార్యకలాపాలు నిలిచిపోయాయి. ప్రస్తుతం రోజుకు పదివేల క్యూబిక్ మీటర్ల ఓబి తొలగింపుతో పాటు 3వేల టన్నుల బొగ్గు ఉత్పత్తి జరుగుతుండగా, వర్షం వల్ల ఇది పూర్తిగా ఆగిపోయింది. క్వారీలో చేరిన నీటిని భారీ పంపులతో బయటకు తోడేస్తున్నారు. వర్షం పూర్తిగా తగ్గితేనే ఉత్పత్తి పునరుద్ధరణ సాధ్యమవుతుందని మేనేజర్ శ్రీనివాస్ గురువారం తెలిపారు.