మెదక్: భూమి వివాదం.. తమ్ముడిని చంపిన అన్న

మెదక్ జిల్లా పాపన్నపేట మండలంలోని బాచారం గ్రామంలో భూమి అమ్మకం, రిజిస్ట్రేషన్ విషయంలో తలెత్తిన వివాదంలో అన్న చాకలి ఆశయ్య తన తమ్ముడు దశరథ్ (36)ను కత్తితో పొడిచి హత్య చేశాడు. సోమవారం రాత్రి జరిగిన ఈ ఘటనలో, దశరథ్ తన అన్న ఆశయ్య వద్ద కొన్న భూమిని తన పేరు మీద రిజిస్ట్రేషన్ చేయాలని కోరగా, అదనపు డబ్బులు డిమాండ్ చేయడంతో గొడవ పెరిగింది. దశరథ్ కుమారుడు సంగమేశ్వర్ అడ్డుకునే ప్రయత్నం చేయగా, అతనిపైనా దాడి జరిగింది. స్థానికులు వీరిని ఆసుపత్రికి తరలించగా, దశరథ్ అప్పటికే మరణించినట్లు వైద్యులు నిర్ధారించారు. పోలీసులు కేసు నమోదు చేసుకుని దర్యాప్తు చేస్తున్నారు.