మెదక్ జిల్లాలో రేషన్ బియ్యం పంపిణీలో రికార్డు

ఉమ్మడి మెదక్ జిల్లాలో రేషన్ బియ్యం పంపిణీ రికార్డు స్థాయిలో పూర్తయింది. ఏప్రిల్‌లోనే మూడు నెలల కోటాను లబ్ధిదారులకు అందించారు. 10 లక్షలకుపైగా కార్డుల్లో 9 లక్షలకుపైగా కుటుంబాలకు 58,696 మెట్రిక్ టన్నుల సన్న బియ్యం పంపిణీ చేశారు. పంపిణీ శాతం 90.84కు చేరి రికార్డు సృష్టించింది. ఒక్కో లబ్ధిదారుడికి 18 కిలోల చొప్పున బియ్యం ఇచ్చారు. జులై వరకు మళ్లీ పంపిణీ ఉండదని అధికారులు తెలిపారు.