ద్విచక్ర వాహనం అదుపుతప్పి బోల్తా.. ఇద్దరికి స్వల్ప గాయాలు

రామాయంపేట శివారులో జరిగిన రోడ్డు ప్రమాదంలో తొనిగండ్ల గ్రామానికి చెందిన సిద్ధ రాములు, బిక్షపతి అనే ఇద్దరు వ్యక్తులు గాయపడ్డారు. వీరు ద్విచక్ర వాహనంపై రామాయంపేట వైపు వెళ్తుండగా, మార్గమధ్యలో అకస్మాత్తుగా కుక్క అడ్డురావడంతో వాహనం అదుపుతప్పి బోల్తా కొట్టింది. సమాచారం అందుకున్న 108 సిబ్బంది సంఘటనా స్థలానికి చేరుకుని, క్షతగాత్రులకు ప్రాథమిక చికిత్స అందించారు. అనంతరం వారిని మెరుగైన వైద్యం కోసం సమీపంలోని ఆసుపత్రికి తరలించారు. ప్రస్తుతం క్షతగాత్రులు వైద్యుల పర్యవేక్షణలో చికిత్స పొందుతున్నారు.