టేక్మాల్ దివ్య క్షేత్రంలో ఘనంగా వెంకటేశ్వర స్వామి కళ్యాణం

టేక్మాల్ మండల కేంద్రంలోని శ్రీ కల్యాణ వెంకటేశ్వర స్వామి దివ్య క్షేత్రంలో శనివారం శ్రీదేవి భూదేవి సమేత వెంకటేశ్వర స్వామి కళ్యాణ మహోత్సవం ఘనంగా జరిగింది. సుదీక్ష–కార్తీక్ విజయ్ గోపాల్ దంపతుల చేతుల మీదుగా ఆలయ పూజారులు ఈ వేడుకను సంప్రదాయబద్ధంగా నిర్వహించారు. ఈ కార్యక్రమంలో గ్రామ ప్రజలు, వివిధ పార్టీల నాయకులు పెద్ద సంఖ్యలో పాల్గొని, ఆలయ ప్రాంగణాన్ని భక్తి శ్రద్ధలతో పండగ వాతావరణంతో నింపారు.