పదో తరగతి ఫలితాల్లో... నాగర్ కర్నూల్ 2, గద్వాల 29వ స్థానం

పదో తరగతి పరీక్షా ఫలితాల్లో ఉమ్మడి పాలమూరు జిల్లా విద్యార్థులు అత్యుత్తమ ప్రతిభ కనబరిచారు. నాగర్ కర్నూల్ జిల్లా 99.03% ఉత్తీర్ణతతో రాష్ట్రంలో రెండో స్థానాన్ని సొంతం చేసుకోగా, నారాయణపేట 97.82%తో 14వ స్థానంలో నిలిచింది. వనపర్తి జిల్లా 97.46%తో 19వ స్థానం, మహబూబ్ నగర్ 94.57%తో 26వ స్థానం, జోగుళాంబ గద్వాల 93.93%తో 29వ స్థానంలో నిలిచాయి. జిల్లా స్థాయిలో ప్రతిభ కనబరిచిన విద్యార్థులను, ఉపాధ్యాయులను విద్యాశాఖ అధికారులు అభినందించారు.