అమెరికా నుంచి వచ్చి సర్పంచ్ ఎన్నికల్లో నామినేషన్ దాఖలు చేసిన మహిళ

నాగర్ కర్నూల్ జిల్లా బిజినేపల్లి మండలంలో సర్పంచ్ ఎన్నికల నేపథ్యంలో లట్టుపల్లి గ్రామపంచాయతీ సర్పంచ్ అభ్యర్థిగా పోటీ చేసేందుకు ఓ మహిళ అమెరికా నుంచి వచ్చి నామినేషన్ దాఖలు చేయడం చర్చనీయాంశమైంది. జనరల్ మహిళకు రిజర్వ్ అయిన ఈ స్థానం కోసం అన్ని పార్టీల వారు తీవ్రంగా పోటీ పడుతున్నారు. గ్రామానికి చెందిన కమతం శ్రీనివాస్ రెడ్డి భార్య నందిని, పిల్లలు అమెరికాలో స్థిరపడటంతో గత ఆరేళ్లుగా అక్కడే నివసిస్తూ, అప్పుడప్పుడు స్వగ్రామానికి వస్తూ వెళ్తోంది.