పల్స్ పోలియో ప్రారంభం.. చుక్కలు వేసిన సర్పంచ్

నల్లగొండ జిల్లా నార్కట్‌పల్లి మండల కేంద్రంలోని మేజర్ గ్రామపంచాయతీ కార్యాలయంలో ఆదివారం పల్స్ పోలియో చుక్కల కార్యక్రమం ఘనంగా ప్రారంభమైంది. స్థానిక సర్పంచ్ భగత్ గౌడ్ చిన్నార్లకు పోలియో చుక్కలు వేసి ఈ కార్యక్రమాన్ని అధికారికంగా ప్రారంభించారు. పోలియో రహిత సమాజ స్థాపనకు ప్రతి ఒక్కరూ కృషి చేయాలని, ఐదు సంవత్సరాల లోపు వయసున్న పిల్లలందరికీ తల్లిదండ్రులు తప్పనిసరిగా పోలియో చుక్కలు వేయించాలని సర్పంచ్ పిలుపునిచ్చారు.