సంక్లిష్టతల సమాజానికి మనోవైజ్ఞానికుల అవసరం

మహాత్మా గాంధీ విశ్వవిద్యాలయంలో సైకాలజీ విభాగం నూతన లాబొరేటరీని ఉపకులపతి ఆచార్య ఖాజా అల్తాఫ్ హుస్సేన్, రిజిస్ట్రార్ ఆచార్య అలువాల రవి, ప్రిన్సిపాల్ డా. కే అరుణ ప్రియాతో కలిసి ప్రారంభించారు. ఈ సందర్భంగా ఉపకులపతి మాట్లాడుతూ, సామాజిక సంక్లిష్టతలు మానవ జీవితాలను ఒత్తిడికి గురిచేస్తున్నాయని, ఈ నేపథ్యంలో మనోవిజ్ఞాన శాస్త్ర నిపుణుల అవసరం ఎంతో ఉందని అన్నారు. పెరుగుతున్న మానసిక రుగ్మతలను ఎదుర్కోవడానికి మనో వైజ్ఞానికులు నైపుణ్యాలతో ముందుకు రావాలని ఆయన సూచించారు.