పశ్చిమాసియాలో యుద్ధం, ఎల్‌నినో ప్రభావంతో భారత్‌లో ద్రవ్యోల్బణం పెరిగే ప్రమాదం ఉంది. ఆహారం, ఇంధన ధరలు ఇప్పటికే పెరిగాయి. ఈ ఏడాది వర్షపాతం తక్కువగా ఉండవచ్చని వాతావరణ నిపుణులు హెచ్చరించడంతో ఆహార ధరలు మరింత పెరిగే అవకాశం ఉంది. ఐసీఐసీఐ బ్యాంక్‌ అంచనా ప్రకారం, 2026-27 ఆర్థిక సంవత్సరంలో ద్రవ్యోల్బణం 5 శాతానికి చేరవచ్చు. దీనిని అదుపు చేయడానికి ఆర్‌బీఐ వడ్డీ రేట్లను 50-75 బేసిస్‌ పాయింట్లు పెంచవచ్చని భావిస్తున్నారు. మే నెలలో వినియోగదారుల ధరల సూచీ 3.94 శాతానికి చేరింది. వర్షపాతం తగ్గితే చిరుధాన్యాలు, పప్పుదినుసులు, నూనెగింజలు, సుగంధ ద్రవ్యాల ఉత్పత్తి తగ్గి, నిత్యావసరాల ధరలపై తీవ్ర ప్రభావం చూపుతుంది.