అక్రమ దత్తత తీసుకుంటే కఠిన చర్యలు

అక్రమ దత్తత చట్టరీత్యా నేరమని, అలాంటి చర్యలకు పాల్పడితే కఠిన చర్యలు తీసుకుంటామని జిల్లా కలెక్టర్ బి. చంద్రశేఖర్ హెచ్చరించారు. రాష్ట్ర ప్రభుత్వం ప్రతిష్టాత్మకంగా నిర్వహిస్తున్న ప్రజా పాలన- ప్రగతి ప్రణాళికలో భాగంగా, బాలల భద్రత, రక్షణ, మత్తు పదార్థాలకు 'నో చెప్పండి' అనే అంశాలపై ఈనెల 27 నుండి మే 2 వరకు వారోత్సవాలు నిర్వహిస్తున్నట్లు తెలిపారు. ఈ నేపథ్యంలో, చట్టబద్ధమైన దత్తతపై అవగాహన కల్పించేందుకు జిల్లా కలెక్టర్ కార్యాలయంలో ప్రత్యేక హెల్ప్ డెస్క్‌ను ఆయన ప్రారంభించారు.