బిజ్వారం పాఠశాలకు సర్పంచ్ సొంత నిధులతో బోరు

జోగులాంబ గద్వాల జిల్లా మల్దకల్ మండలం బిజ్వారం గ్రామంలోని జిల్లా పరిషత్ ఉన్నత పాఠశాలలో నెలలుగా విద్యార్థులు ఎదుర్కొంటున్న త్రాగునీటి సమస్యను సర్పంచ్ వై. శైలజ శ్రీనివాసరెడ్డి తన సొంత నిధులతో బోరు వేయించి పరిష్కరించారు. ప్రధానోపాధ్యాయులు మహేష్ ఈ సమస్యను సర్పంచ్ దృష్టికి తీసుకురాగా, ఆమె వెంటనే స్పందించి బోరు వేయించారు. బోరులో నీరు పుష్కలంగా పడడంతో విద్యార్థులు, గ్రామస్తులు, ఉపాధ్యాయులు సంతోషం వ్యక్తం చేస్తూ సర్పంచ్‌కు కృతజ్ఞతలు తెలిపారు. ఈ కార్యక్రమంలో పలువురు నాయకులు పాల్గొన్నారు.