యువకుడి సేవా గుణం: కంప్యూటర్ విరాళంగా అందజేత

నారాయణపేట జిల్లా, మక్తల్ మండల కేంద్రానికి చెందిన అనిల్ కుమార్ రెడ్డి అనే యువకుడు బుధవారం తన సొంత ఖర్చులతో గ్రామపంచాయతీకి ఒక నూతన కంప్యూటర్ ను విరాళంగా అందజేశాడు. గ్రామ ప్రజలకు మెరుగైన ఆన్ లైన్ సేవలు అందించాలనే ఉద్దేశంతో ఈ సహాయం చేసినట్లు ఆయన తెలిపారు. ఈ సందర్భంగా గ్రామ సర్పంచ్ హనుమంత్ రెడ్డి, గ్రామస్థుల తరఫున అనిల్ కుమార్ రెడ్డిని శాలువాతో సన్మానించి అభినందించారు. ఈ కార్యక్రమంలో గ్రామపంచాయతీ అధికారులు, గ్రామస్తులు పాల్గొన్నారు.