యాంకి గ్రామంలో ఫిల్టర్ వాటర్ షెడ్‌కు భూమిపూజ

నారాయణపేట్ జిల్లా నర్వ మండలం యాంకి గ్రామంలో శనివారం రాంకీ ఫౌండేషన్ ఆధ్వర్యంలో గ్రామ ప్రజలకు సురక్షిత తాగునీరు అందించేందుకు నూతన ఫిల్టర్ వాటర్ షెడ్ నిర్మాణానికి భూమిపూజ జరిగింది. రాష్ట్ర మంత్రి వాకిటి శ్రీహరి ఆదేశాల మేరకు చేపట్టిన ఈ కార్యక్రమంలో గ్రామ సర్పంచ్ కళ్యాణి వెంకటన్న అధ్యక్షత వహించారు. ఎంపీడీఓ శ్రీనివాస్, కాంగ్రెస్ మండల అధ్యక్షుడు చెన్నయ్య సాగర్, పంచాయతీ కార్యదర్శి, జీపీఓ, మండల సీనియర్ నాయకులు, గ్రామ ప్రజలు పాల్గొన్నారు.