నామినేషన్ తిరస్కరణపై అప్పీళ్లకు అవకాశం: కలెక్టర్

వనపర్తి పురపాలక ఎన్నికల్లో నామినేషన్ తిరస్కరణకు గురైన అభ్యర్థులు ఫిబ్రవరి 1వ తేదీన వనపర్తి ఆర్డీవోకు అప్పీల్ చేసుకోవచ్చని జిల్లా ఎన్నికల అథారిటీ, కలెక్టర్ ఆదర్శ్ సురభి తెలిపారు. తిరస్కరించిన నామినేషన్లపై అప్పీళ్లకు అవకాశం ఉందని, ఫిబ్రవరి 2న వాటి పరిష్కారం, 3న నామినేషన్ల ఉపసంహరణ, తుది జాబితా ప్రకటన ఉంటుందని ఆయన సూచించారు. ఈ ప్రక్రియ వనపర్తి పురపాలక ఎన్నికల నిర్వహణలో భాగంగా జరుగుతుంది.