బస్తీ దవాఖానను తనిఖీ చేసిన కలెక్టర్

నిర్మల్ జిల్లా కేంద్రంలోని గుల్జార్ మార్కెట్ ప్రాంతంలో గల బస్తీ దవాఖానను కలెక్టర్ అభిలాష అభినవ్ బుధవారం ఆకస్మికంగా తనిఖీ చేశారు. ఆసుపత్రిలోని రిజిస్టర్లను పరిశీలించి, రోగులకు సేవా దృక్పథంతో వైద్యం అందించాలని సూచించారు. ఆసుపత్రి ప్రాంగణాన్ని పరిశుభ్రంగా ఉంచుకోవాలని ఆదేశించారు. ఈ తనిఖీలో జిల్లా వైద్య ఆరోగ్యశాఖ అధికారి రాజేందర్, అధికారులు సౌమ్య, స్థానిక కౌన్సిలర్ తౌహిద్ ఉద్దిన్, ఇతర అధికారులు, సిబ్బంది పాల్గొన్నారు.