డ్రగ్స్‌ కు బానిసై జీవితాలను నాశనం చేసుకోవద్దు

అంతర్జాతీయ మాదకద్రవ్యాల దుర్వినియోగం, అక్రమ రవాణా వ్యతిరేక దినోత్సవం సందర్భంగా నిర్మల్ జిల్లా లీగల్ సర్వీసెస్ అథారిటీ ఆధ్వర్యంలో సారంగాపూర్ మండలం చించోలి (బి) గ్రామ శివారులోని మహాత్మ జ్యోతిబాపూలే బీసీ వెల్ఫేర్ డిగ్రీ కళాశాలలో శనివారం అవగాహన కార్యక్రమం నిర్వహించారు. ఈ సందర్భంగా విద్యార్థులకు మాదకద్రవ్యాల వినియోగం వల్ల కలిగే దుష్ప్రభావాలపై అవగాహన కల్పించారు. ఈ కార్యక్రమంలో ప్రిన్సిపల్ జూనియర్ సివిల్ జడ్జి పి. రవీందర్, అదనపు ఎస్పీ ఉపేందర్ రెడ్డి తదితరులు పాల్గొన్నారు.