గుండంపల్లి గ్రామ రైతుల ఆందోళన

నిర్మల్ జిల్లాలో రైతులు బుధవారం మొక్కజొన్న కొనుగోలును వేగవంతం చేయాలని, జొన్న, వరి ధాన్యం కొనుగోలు కేంద్రాలు ఏర్పాటు చేయాలని ఆందోళన చేపట్టారు. దిలావర్ పూర్ మండలం గుండంపల్లి గ్రామ రైతులు నిర్మల్ - బైంసా జాతీయ రహదారిపై ధర్నా, రాస్తారోకో చేపట్టడంతో వాహనాల రాకపోకలకు అంతరాయం ఏర్పడింది. తహసీల్దార్ నచ్చజెప్పే ప్రయత్నం చేసినా, కలెక్టర్ స్పష్టమైన హామీ ఇచ్చే వరకు ధర్నా విరమించేది లేదని రైతులు భీష్మించుకున్నారు.