జిల్లాలో పలువురికి కారుణ్య నియామకాల ద్వారా పోస్టుల భర్తీ

జిల్లాలో గత మూడు సంవత్సరాలుగా పెండింగ్‌లో ఉన్న 29 కారుణ్య నియామకాలకు సంబంధించి 20 పోస్టులను భర్తీ చేసినట్లు జిల్లా కలెక్టర్ అభిలాష శనివారం ఒక ప్రకటనలో తెలిపారు. 13 జూనియర్ అసిస్టెంట్, 6 ఆఫీస్ సబార్డినేట్, 1 కామాటి పోస్టులను వివిధ శాఖలకు కేటాయించినట్లు పేర్కొన్నారు. మిగిలిన 9 పోస్టులు రోస్టర్ అంశాలతో ముడిపడి ఉన్నందున వాటిని త్వరలోనే పూర్తి చేస్తామని, అన్ని నియామకాలు పారదర్శకంగా జరిగాయని తెలిపారు.