అడెల్లి పోచమ్మ అమ్మవారి ఆలయ పునఃప్రతిష్టాపన ఏర్పాట్లను పరిశీలించిన ఎమ్మెల్యే ఏలేటి

నిర్మల్ సారంగాపూర్ మండలంలో ప్రసిద్ధి చెందిన అడెల్లి మాహ పోచమ్మ అమ్మవారిని ఎమ్మెల్యే ఏలేటి మహేశ్వర్ రెడ్డి దర్శించుకున్నారు. అనంతరం, ఆలయ పరిసరాలు, విగ్రహ పునఃప్రతిష్టాపన, శత చండీయాగ ఏర్పాట్లను ఆయన పరిశీలించారు. నవంబర్ 7న విగ్రహ పునఃప్రతిష్టాపన జరుగుతుందని, నవంబర్ 3 నుంచి 7 వరకు పూజా కార్యక్రమాలు నిర్వహిస్తామని తెలిపారు. తెలంగాణ, మహారాష్ట్రల నుండి భక్తులు అధిక సంఖ్యలో పాల్గొంటారని, విజయవంతం చేయాలని కోరారు. ఈ కార్యక్రమంలో బీజేపీ నాయకులు, కార్యకర్తలు, గ్రామస్తులు పాల్గొన్నారు.