నిర్మల్ ఉత్సవాలను సక్సెస్ చేయాలి : కలెక్టర్

నిర్మల్ ఉత్సవాలను విజయవంతం చేయడానికి అధికారులందరూ సమన్వయంతో పనిచేయాలని కలెక్టర్ అభిలాష అభినవ్ పిలుపునిచ్చారు. శుక్రవారం కలెక్టరేట్ లో నిర్వహించిన సమీక్షలో, ప్రజలు పెద్ద ఎత్తున పాల్గొనేలా విస్తృత ప్రచారం చేయాలని, నిర్మల్ జిల్లా చరిత్రను తెలియజేసే కార్యక్రమాలు నిర్వహించాలని సూచించారు. ఈ నెల 19 నుంచి 23 వరకు జరిగే ఉత్సవాలకు ప్రొటోకాల్ పాటిస్తూ ప్రజాప్రతినిధులను ఆహ్వానించాలని, సంతకాల బోర్డు, సెల్ఫీ పాయింట్లు ఏర్పాటు చేయాలని, పార్కింగ్ ఇబ్బందులు లేకుండా చర్యలు తీసుకోవాలని, పటిష్ట పోలీసు బందోబస్తు ఏర్పాటు చేయాలని ఆదేశించారు. ఈ సమావేశంలో అడిషనల్ కలెక్టర్ కిశోర్ కుమార్ తో పాటు పలువురు అధికారులు పాల్గొన్నారు.