రాష్ట్రస్థాయి కబడ్డీ పోటీలకు ఆదర్శ పాఠశాల విద్యార్థి ఎంపిక

బాల్కొండ మండల కేంద్రంలోని ఆదర్శ పాఠశాలలో ఇంటర్ రెండవ సంవత్సరం చదువుతున్న విద్యార్థి రుచిత్ రాష్ట్రస్థాయి కబడ్డీ పోటీలకు ఎంపికయ్యాడు. ఈ సందర్భంగా పాఠశాల వ్యాయామ ఉపాధ్యాయుడు ముత్యం రాజన్న సిరిసిల్ల జిల్లాలోని వేములవాడలో ఈనెల 2, 3, 4, తేదీలలో జరిగే రాష్ట్రస్థాయి పోటీలో పాల్గొంటారని తెలిపారు. రుచిత్ ను పాఠశాల ప్రిన్సిపాల్ శ్రీనివాస్ ప్రసాద్, పాఠశాల ఉపాధ్యాయ బృందం తదితరులు అభినందించారు.