ట్రాన్స్ ఫార్మర్లు ధ్వంసం.. ఆయిల్ చోరీ

శనివారం రాత్రి ముప్కాల్ మండలంలోని కిసాన్ నగర్ శివా రు నాగులకుంట చెరువు, రాంమందిర్ వెనుక ప్రాంతాల్లోని వ్యవసాయ భూముల్లో ఏర్పాటు చేసిన 5 ట్రాన్స్ఫార్మర్లను గుర్తు తెలియని వ్యక్తులు ధ్వంసం చేశారు. వాటిలో నుంచి కాపర్ కాయిల్స్, ఆయిల్ చోరీకి గురయ్యాయి. ఈ ఘటనపై ట్రాన్స్కో ఈఈ సబావత్ కిషన్ పోలీసులకు ఫిర్యాదు చేశారు. గ్రామాల్లో అపరిచితులు కనిపిస్తే పోలీసులకు సమాచారం అందించాలని ఎస్సై శైలేందర్ ప్రజలను కోరారు. ట్రాన్స్కో ఏఈఈ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.