బోధన్ - Bodhan

నిజామాబాద్ జిల్లా, బాల్కొండలోని భీంగల్ మండలంలో, రహత్‌నగర్ గ్రామానికి చెందిన నలుగురు, సికింద్రాపూర్ గ్రామానికి చెందిన ఒక లబ్ధిదారుకు జాతీయ కుటుంబ ప్రయోజనం పథకం (ఎన్‌ఎఫ్‌బీఎస్) కింద ఒక్కొక్కరికి రూ.20 వేల చొప్పున ఆర్థిక సహాయం మంజూరు చేయబడింది. ఎంపీడీఓ గంగుల సంతోష్ కుమార్ ఈ ఉత్తర్వులను అందజేశారు. కుటుంబ పోషకుడిని కోల్పోయిన పేద కుటుంబాలకు ఈ ఆర్థిక సహాయం ఎంతో ఉపయోగపడుతుందని ఆయన తెలిపారు. ప్రభుత్వ సంక్షేమ పథకాల ద్వారా అర్హులైన ప్రతి ఒక్కరూ లబ్ధి పొందేలా అధికారులు కృషి చేస్తున్నారని ఆయన పేర్కొన్నారు. ఈ కార్యక్రమంలో ఆయా గ్రామాల సర్పంచులు, ఉపసర్పంచులు, కార్యాలయ సిబ్బంది పాల్గొన్నారు.