ఇసుక తరలిస్తున్న ఆటోలు స్వాధీనం

రెంజల్ ఎస్సై చంద్రమోహన్ తెలిపిన వివరాల ప్రకారం, ఎటువంటి అనుమతులు లేకుండా అక్రమంగా ఇసుకను తరలిస్తున్న మూడు ట్రాలీ ఆటోలను ఆదివారం స్వాధీనం చేసుకున్నారు. బోధన్ నుంచి దూపల్లి గ్రామానికి ఇసుకను అక్రమంగా తరలిస్తున్నారన్న సమాచారంతో ఈ ఆటోలను పట్టుకుని సీజ్ చేశారు. ఆటో డ్రైవర్లు, యజమానులపై కేసు నమోదు చేసి, చర్యల నిమిత్తం మైనింగ్ అధికారులకు అప్పగించారు.