మహిళ పర్సు లాక్కెళ్లిన దుండగుడు

మోస్రా మండల కేంద్రంలోని దర్గా వద్ద నిజామాబాద్ కు చెందిన ముదిగేపల్లి లక్ష్మి తన బంధువుల వద్దకు వెళ్లి, తిరుగు ప్రయాణంలో దర్గా దర్శనానికి వెళ్ళగా, గుర్తు తెలియని మహిళ ఆమె పర్సులోని రూ. 23 వేలను లాక్కొని పారిపోయింది. ఈ ఘటనలో లక్ష్మి స్పృహ కోల్పోయి కిందపడిపోయింది. ఆమె కుమారుడు ముదిగేపల్లి సాయికుమార్ వర్ని పోలీస్ స్టేషన్లో ఫిర్యాదు చేయగా, పోలీసులు కేసు నమోదు చేసుకుని దర్యాప్తు చేస్తున్నట్లు ఎస్సై మహేష్ కుమార్ తెలిపారు.