ఎన్నికల సిబ్బందిపై కలక్టర్ ఆగ్రహం

జిల్లా ఎన్నికల అధికారి, కలెక్టర్ టి. వినయ్ కృష్ణారెడ్డి ఎన్నికల సంఘం ఆదేశాల మేరకు ప్రతి పోలింగ్ స్టేషన్ పరిధిలో ఓటరు పునఃజాబితా సన్నాహక ప్రక్రియను పక్కాగా నిర్వహించాలని స్పష్టం చేశారు. ఈ ప్రక్రియలో నిర్లక్ష్యం వహిస్తే బాధ్యులపై క్రమశిక్షణ చర్యలు తప్పవని హెచ్చరించారు. నిజామాబాద్ అర్బన్ నియోజకవర్గంలో ఎస్. ఐ. ఆర్ అమలు తీరుపై ఏ. ఈ. ఆర్. ఓలు, బీ. ఎల్. ఓ సూపర్వైజర్లతో సమీక్ష నిర్వహించిన కలెక్టర్, పనితీరులో వెనుకబడిన వారిపై తీవ్ర ఆగ్రహం వ్యక్తం చేశారు.