ముత్యాల చెరువు నిర్మాణంపై గ్రామస్తుల నిరసన, అధికారులకు అడ్డు

నిజామాబాద్ జిల్లాలో ముత్యాల చెరువు నిర్మాణాన్ని వ్యతిరేకిస్తూ ధర్పల్లి, ముత్యాల చెరువు, వాడి, హోన్నాజీపేట్, బీరప్ప తండా గ్రామాల ప్రజలు బుధవారం సర్వేకు వచ్చిన అధికారులను అడ్డుకున్నారు. ఈ ప్రాజెక్టు నిర్మాణం వల్ల ఆస్తి, ప్రాణ నష్టం సంభవించే ప్రమాదం ఉందని వారు ఆందోళన వ్యక్తం చేశారు. గత సంవత్సరం జరిగిన నష్టం వల్ల రైతులు తీవ్రంగా నష్టపోయారని, ప్రభుత్వం ఎలాంటి నష్టపరిహారం ప్రకటించలేదని, అయినప్పటికీ పనులు ప్రారంభించడం సరికాదని సర్పంచులు అన్నారు. తక్షణమే పనులు నిలిపివేయాలని వారు డిమాండ్ చేశారు.