'ఓజీ' నుండి 'ఓమి ట్రాన్స్' విడుదల - పవన్ కళ్యాణ్ అభిమానులకు మరో ట్రీట్

పవర్ స్టార్ పవన్ కళ్యాణ్ అభిమానులకు మరింత ఉత్సాహాన్ని ఇస్తూ 'ఓజీ' చిత్ర బృందం 'ఓమి ట్రాన్స్' పూర్తి వెర్షన్‌ను విడుదల చేసింది. పవన్ కళ్యాణ్ పుట్టినరోజున విడుదలైన 'ఓమి' గ్లింప్స్‌కి అద్భుతమైన స్పందన లభించగా, ఇప్పుడు వచ్చిన ఈ పాట అభిమానుల ఆసక్తిని మరింత పెంచుతోంది. ఈ పాట 'ఓజాస్' (పవన్ కళ్యాణ్) మరియు 'ఓమి' (ఇమ్రాన్ హష్మీ)ల మధ్య భీకర పోరాటాన్ని సూచిస్తుంది.సంగీత దర్శకుడు ఎస్.ఎస్. తమన్ ఉరుములు, మెరుపులను తలపించే బీట్స్‌తో 'ఓమి ట్రాన్స్'ను ఎంతో శక్తివంతంగా స్వరపరిచారు. ఈ పాట ప్రేక్షకులను నిజంగా ట్రాన్స్‌లోకి తీసుకువెళ్తుందని విమర్శకులు చెబుతున్నారు. ఇప్పటివరకు విడుదలైన పోస్టర్లు, గ్లింప్స్‌లు ఇప్పటికే సోషల్ మీడియాలో సంచలనం సృష్టించాయి. సాధారణ ప్రేక్షకులతో పాటు సినీ పరిశ్రమ ప్రముఖులు కూడా ఈ సినిమాకు ఇక ప్రచారం అవసరం లేదని అంటున్నారంటే, దీనిపై ఉన్న అంచనాలు ఎంత భారీగా ఉన్నాయో అర్థం చేసుకోవచ్చు.దర్శకుడు సుజీత్ ఈ చిత్రాన్ని ఒక 'సినిమాటిక్ తుఫాను'గా రూపొందిస్తున్నారని తెలుస్తోంది. డీవీవీ ఎంటర్‌టైన్‌మెంట్ బ్యానర్‌పై డీవీవీ దానయ్య, కళ్యాణ్ దాసరి ఈ చిత్రాన్ని ప్రతిష్టాత్మకంగా నిర్మిస్తున్నారు. పవన్ కళ్యాణ్ ప్రధాన పాత్రలో నటిస్తున్న ఈ సినిమాలో ఇమ్రాన్ హష్మీ, ప్రియాంక మోహన్, అర్జున్ దాస్, ప్రకాష్ రాజ్, శ్రియా రెడ్డి వంటి ప్రముఖ నటీనటులు కీలక పాత్రలు పోషిస్తున్నారు.'ఓజీ' సెప్టెంబర్ 25, 2025న ప్రపంచవ్యాప్తంగా భారీ స్థాయిలో విడుదల కానుంది. ఈ సినిమా తుఫానుకు కౌంట్‌డౌన్ మొదలైందని చెప్పొచ్చు.