43 ఏళ్ల కంపెనీ అమ్మేసి.. కార్మికులకు రూ.కోట్లు పంచిన యజమాని!

అమెరికాలోని లూసియానాలో 43 ఏళ్లుగా నడిచిన ఫైబర్‌బాండ్ కార్పొరేషన్ విద్యుత్ పరికరాల తయారీ కంపెనీని 'ఈటన్'కు 1.7 బిలియన్ డాలర్లకు విక్రయించారు. ఈ అమ్మకం ద్వారా వచ్చిన మొత్తంలో 15 శాతం, అంటే సుమారు రూ. 2000 కోట్లను, కంపెనీలోని 540 మంది పూర్తిస్థాయి ఉద్యోగులకు పంచాలని సీఈఓ గ్రాహం వాకర్ నిర్ణయించారు. ప్రతి ఉద్యోగి సగటున రూ. 3.75 కోట్లు అందుకోనున్నారు. ఈ బోనస్ రాబోయే ఐదేళ్లలో చెల్లిస్తారు, ఉద్యోగులు కంపెనీలో కొనసాగితేనే పూర్తి మొత్తం లభిస్తుంది. 1982లో ప్రారంభమైన ఈ కంపెనీ కష్టసుఖాల్లో తోడుగా నిలిచిన ఉద్యోగులకు ఈ ఔదార్యం చూపారు.