ప్రస్తుత రోజుల్లో సినిమా పాటలతో సమానంగా జానపద గీతాలు ప్రేక్షకులను ఆకట్టుకుంటున్నాయి. ముఖ్యంగా తెలంగాణ సంస్కృతి, భాషా ప్రాధాన్యతతో రూపొందుతున్న జానపద పాటలు సోషల్ మీడియాలో, యూట్యూబ్‌లో మిలియన్ల కొద్దీ వ్యూస్ సాధిస్తున్నాయి. ఈ క్రమంలోనే యూట్యూబ్‌ను షేక్ చేస్తున్న సరికొత్త ఫోక్ సాంగ్ ‘నా పేరే ఎల్లమ్మ’. ఈ పాటలో తన అద్భుతమైన నటన, డ్యాన్స్‌తో ప్రేక్షకుల మనసులు గెలుచుకుంది ప్రముఖ ఫోక్ డాన్సర్ నాగదుర్గ. తెలంగాణలో ఎంతో ప్రతిష్టాత్మకంగా, ఘనంగా జరుపుకునే బోనాల పండుగ కోసం రూపొందించిన ఈ పాట, ఇప్పటికే యూట్యూబ్‌లో 102 మిలియన్లకు పైగా వ్యూస్ సాధించి రికార్డు సృష్టించింది.