హైదరాబాద్ కమిషనరేట్ పరిధిలో చిన్నారులు, మహిళల రక్షణ కోసం సీఎం రేవంత్ రెడ్డి 'స్పందన' టీమ్‌లను ప్రారంభించారు. తక్షణ రక్షణ పేరుతో సభ్యులకు ప్రత్యేక శిక్షణ ఇచ్చారు. ఒక్కో ఏసీపీ జోన్‌కు రెండు టీమ్‌లు అందుబాటులో ఉంటాయి. వీటిని డయల్ 100/112లతో అనుసంధానం చేసి, ఫిర్యాదులపై ఆలస్యం లేకుండా వెంటనే చర్యలు తీసుకునేలా, అత్యవసర పరిస్థితుల్లో వేగంగా స్పందించేలా ఏర్పాటు చేశారు. మహిళల భద్రతే స్పందన ప్రధాన ధ్యేయమని సీఎం తెలిపారు.