సమోసాలో పిన్నులు.. మిఠాయి దుకాణంపై ఆగ్రహం

మహబూబ్‌నగర్ జిల్లా బిజినేపల్లి మండల కేంద్రంలోని ఒక మిఠాయి దుకాణంలో సమోసాలు తింటున్న వ్యక్తికి చేదు అనుభవం ఎదురైంది. సమోసాలలో పిన్నులు బయటపడటంతో దుకాణ నిర్వాహకుడితో గొడవపడ్డాడు. ఈ విషయం బయటకు రాకుండా సర్దుబాటు చేసుకున్నప్పటికీ, కొందరు యువకులు ఫోటోలు తీసి సామాజిక మాధ్యమాల్లో వైరల్ చేశారు. ఆహార భద్రతా అధికారులు నామమాత్రపు తనిఖీలు చేయడమే ఇలాంటి ఘటనలకు కారణమని స్థానికులు ఆరోపిస్తున్నారు.