భారత్‌లో ఆర్థిక కార్యకలాపాలకు పాన్ కార్డు తప్పనిసరి. ఇప్పుడు ఆన్‌లైన్‌లోనే ఆధార్ ద్వారా పాన్ కార్డులో చిరునామా మార్చుకోవచ్చు. NSDL పోర్టల్‌లో ఆధార్ బేస్డ్ ఈకేవైసీ ఆప్షన్ ఎంచుకుని, ఆధార్‌తో లింక్ అయిన మొబైల్ నంబర్‌కు వచ్చే OTPని నిర్ధారిస్తే చాలు. మీ ఆధార్‌లోని చిరునామా పాన్ కార్డులో అప్‌డేట్ అవుతుంది. దీనికి ఎలాంటి డాక్యుమెంట్లు అవసరం లేదు, కేవలం రూ.96 ఫీజు చెల్లించాలి. అప్‌డేట్ అయిన వెంటనే ఈ-పాన్ డౌన్‌లోడ్ చేసుకోవచ్చు, 10-15 రోజుల్లో ఫిజికల్ కార్డు పోస్టులో వస్తుంది. అయితే, ఆధార్‌లోని చిరునామా అప్‌డేట్ అయి ఉండాలి.