ప్రముఖ విప్లవ గాయకుడు అరుణోదయ నాగన్న కన్నుమూత

ప్రముఖ విప్లవ గీతాల గాయకుడు, అరుణోదయ సాంస్కృతిక సమాఖ్య అగ్రనేత నాగన్న మరణించారు. గత కొంతకాలంగా తీవ్ర అనారోగ్యంతో బాధపడుతున్న ఆయన ఖమ్మంలోని ఓ ప్రైవేట్ ఆసుపత్రిలో చికిత్స పొందుతూ శుక్రవారం మధ్యాహ్నం తుదిశ్వాస విడిచారు. ఖమ్మం జిల్లా రాజారాం గ్రామానికి చెందిన నాగన్న 'అరుణోదయ నాగన్న'గా ప్రజా హృదయాల్లో నిలిచిపోయారు. పీడిత ప్రజల పక్షాన నిలిచి తన ఆటపాటలతో విప్లవ భావజాలాన్ని ప్రజల్లోకి బలంగా తీసుకెళ్లారు.