ఫ్రాన్స్‌ నుంచి మరో 114 యుద్ధ విమానాల కొనుగోలు

భారత రక్షణశాఖ వైమానిక దళాన్ని మరింత శక్తిమంతం చేసేందుకు ఫ్రాన్స్ నుంచి మరో 114 రఫేల్ యుద్ధ విమానాల కొనుగోలుకు అధికారిక ప్రతిపాదన లేఖను సిద్ధం చేసింది. ఈ లేఖను త్వరలోనే ఫ్రాన్స్ ప్రభుత్వానికి పంపించనున్నారు. ఈ ఒప్పందంలో భాగంగా దాదాపు 90 విమానాలను ‘మేకిన్ ఇండియా’ కింద దేశంలోనే తయారు చేయనున్నారు. ఫ్రాన్స్‌కు చెందిన డసో ఏవియేషన్, ఒక భారతీయ భాగస్వామ్య సంస్థతో కలిసి వీటిని ఉత్పత్తి చేస్తుంది. మిగిలినవి నేరుగా ఫ్రాన్స్ నుంచి దిగుమతి అవుతాయి.