తెలంగాణ అసెంబ్లీలో సమూల మార్పులు

తెలంగాణ శాసనసభ మార్చి 8వ తేదీన మరో చారిత్రాత్మక ఘట్టానికి వేదిక కానుంది. అసెంబ్లీ ప్రాంగణంలో కొత్తగా నిర్మించిన కౌన్సిల్ హాల్‌తో పాటు, తెలంగాణ తల్లి విగ్రహాన్ని కూడా ఆవిష్కరించనున్నారు. రాష్ట్ర అస్తిత్వానికి, గౌరవానికి ప్రతీకగా ఈ విగ్రహాన్ని ఏర్పాటు చేశారు. వీటితో పాటు ముఖ్యమంత్రి, శాసనమండలి ఛైర్మన్ ఛాంబర్‌లను కూడా అదే రోజున ప్రారంభిస్తారు. ఈ కొత్త నిర్మాణాలతో బడ్జెట్ సమావేశాలు ఒకే ప్రాంగణంలో జరగనున్నాయి, ఇది పాలనను సులభతరం చేస్తుందని భావిస్తున్నారు. అన్ని ఏర్పాట్లు చివరి దశకు చేరుకున్నాయి.