అండర్ గ్రౌండ్ డ్రైనేజీ పనులకు మాజీ ఎమ్మెల్యే పూజలు

షాద్ నగర్ మాజీ ఎమ్మెల్యే చౌలపల్లి ప్రతాప్ రెడ్డి, ఫరూక్ నగర్ మండలం దూసకల్ గ్రామంలో రూ. 5 లక్షల అండర్ గ్రౌండ్ డ్రైనేజీ పనులకు శంకుస్థాపన చేశారు. స్థానిక సర్పంచ్ జ్యోతిర్మయి అంజి ఆధ్వర్యంలో జరిగిన ఈ కార్యక్రమంలో, కాంగ్రెస్ ప్రభుత్వంలో గ్రామాల అభివృద్ధే ధ్యేయమని ఆయన పేర్కొన్నారు. గ్రామ పంచాయతీ అభివృద్ధికి తన వంతు సహకారం అందిస్తానని ప్రతాప్ రెడ్డి స్పష్టం చేశారు. ఈ కార్యక్రమంలో మండల కాంగ్రెస్ అధ్యక్షుడు చల్లా శ్రీకాంత్ రెడ్డి, ఉప సర్పంచ్, వార్డ్ సభ్యులు పాల్గొన్నారు.