కొత్త రోడ్డు వేశారు... స్పీడ్ బ్రేకర్లు మరిచారు..

షాద్ నగర్ మున్సిపాలిటీ పరిధిలో మూడు నెలల క్రితం రామకృష్ణ థియేటర్ నుంచి కుంట బడి మీదుగా పాత జాతీయ రహదారి వరకు నూతనంగా సీసీ రోడ్డు వేశారు. విస్తరించిన ఈ రోడ్డుపై స్పీడ్ బ్రేకర్లు వేయడం అధికారులు మరిచిపోయారు. పలు కాలనీల రోడ్లు, బైపాస్ రోడ్డుగా ఉపయోగపడుతున్న ఈ మార్గంలో వందలాది వాహనాలు వేగంగా వెళ్తుండటంతో ప్రమాదాలు జరిగే అవకాశం ఉందని వాహనదారులు ఆందోళన వ్యక్తం చేస్తున్నారు.