రైతు భరోసా డబ్బులపై రేవంత్ సర్కార్ క్లారిటీ

తెలంగాణ రాష్ట్ర ప్రభుత్వం రైతులకు సంక్రాంతి కానుకగా రైతు భరోసా నిధులను విడుదల చేయనుంది. యాసంగి సాగు కోసం ఎకరానికి రూ.6 వేల చొప్పున పెట్టుబడి సాయం అందించనుంది. ఈ పథకం కింద దాదాపు కోటిన్నర ఎకరాలకు రూ.9 వేల కోట్లు విడుదల చేసేందుకు సీఎం రేవంత్ రెడ్డి గ్రీన్ సిగ్నల్ ఇచ్చారు. శాటిలైట్ సర్వే ఆధారంగా పంట భూములను గుర్తించి, అర్హులైన రైతులకు సంక్రాంతి పండుగలోపే ఈ నిధులను వారి ఖాతాల్లో జమ చేయాలని ప్రభుత్వం ప్రణాళికలు రూపొందించింది. వ్యవసాయశాఖ మంత్రి తుమ్మల నాగేశ్వరరావు కూడా సర్వే పూర్తయ్యే దశలో ఉందని, త్వరలో నిధులు జమ చేస్తామని ప్రకటించారు.